’n Oostenrykse egpaar Doris en Herbert Buchegger wat tans met hul Harley Davidson-motorfietse deur Namibië reis, kan nie uitgepraat raak oor die natuurskoon en die gasvryheid van die mense nie.
“Ons het reeds ons vertrekdatum uit Windhoek drie keer uitgeskuif, omdat iemand ons elke keer nooi om vir nog ’n wyle te vertoef,” het Herbert gesê.
Die egpaar se droom was nog altyd om om die wêreld te ry, maar nie aaneenlopend nie.
“Ons het in 2017 met ons toer in die mees suidelike punt in Suid-Amerika begin, en ná 35 000 kilometer in 88 dae tot by die mees noordelike punt van Noord-Amerika gery. In 2018 het ons die toer voortgesit en deur die Midde-Ooste na Asië gereis.”
In 2019 het hulle die eerste keer Afrika besoek. Hulle het van Oostenryk na Halifax in Israel gereis en daarvandaan na Afrika, waar hulle deur Oos-Afrika tot in Kaapstad gery het.
“Ons plan was dan om in 2020 vanaf Kaapstad na Rwanda, Uganda, Kenia, Malawi, Zambië, Namibië en dan weer Kaapstad te ry, maar Covid-19 het ’n stokkie voor dié planne gesteek,” het Herbert gesê.
Eie rybewys
Tydens Covid-19 het hulle baie tyd op hande gehad en Doris het besluit om haar rybewys vir ’n motorfiets te doen.
“Ek het nog altyd agterop gesit en toe ek 50 word, wou Herbert ’n kombuistoestel vir my gee. Ek het gesê ek sal eerder ’n rybewys verkies. Ek het besef dit help nie veel as ek nie ’n motorfiets het nie.
“Die geluk was aan my kant, want Herbert het toe gesê hy sal vir my ’n Harley koop,” het sy gesê.
Sy het 17 000 kilometer op teerpad afgelê voordat sy die stofpaaie van Afrika in 2022 aangedurf het.
“Ons het vyf maande terug in Kaapstad met ons toer – wat ons in 2019 beplan het – begin.”
Hulle het die land by Katima Mulilo se grenspos binnegekom.
“Daar is plekke wat ons graag sal wil besoek, maar ons motorfietse is te swaar vir die grondpaaie. My fiets weeg sowat 400 kilogram en as ek een klip raakry, is dit verby.
“Ons het gedink Sossusvlei sal net ’n droom bly, maar toe ontmoet ons mense en die man sê toe ‘dit is geen probleem nie, ek vat julle die naweek soontoe’. Dus ry ons môre Sossusvlei toe. Dit is Namibiërs; hulle is ongelooflik vriendelik en niks is te ver of te moeilik nie.”
By die Fish Eagle Rally in Walvisbaai het hulle ’n toekenning vir die dapperste fietsryers gewen.
“Ons het in Windhoek by ’n bikerskroeg gesit en toe sê iemand ons ry môre Walvisbaai toe, kom julle saam. Ons het gegaan en omdat ons van Oostenryk af gery het, het ons gewen.
“Iemand het by die geleentheid ook gesê dat ek die eerste vrou is wat deur Afrika op ’n Harley ry.”
“Ons het reeds ons vertrekdatum uit Windhoek drie keer uitgeskuif, omdat iemand ons elke keer nooi om vir nog ’n wyle te vertoef,” het Herbert gesê.
Die egpaar se droom was nog altyd om om die wêreld te ry, maar nie aaneenlopend nie.
“Ons het in 2017 met ons toer in die mees suidelike punt in Suid-Amerika begin, en ná 35 000 kilometer in 88 dae tot by die mees noordelike punt van Noord-Amerika gery. In 2018 het ons die toer voortgesit en deur die Midde-Ooste na Asië gereis.”
In 2019 het hulle die eerste keer Afrika besoek. Hulle het van Oostenryk na Halifax in Israel gereis en daarvandaan na Afrika, waar hulle deur Oos-Afrika tot in Kaapstad gery het.
“Ons plan was dan om in 2020 vanaf Kaapstad na Rwanda, Uganda, Kenia, Malawi, Zambië, Namibië en dan weer Kaapstad te ry, maar Covid-19 het ’n stokkie voor dié planne gesteek,” het Herbert gesê.
Eie rybewys
Tydens Covid-19 het hulle baie tyd op hande gehad en Doris het besluit om haar rybewys vir ’n motorfiets te doen.
“Ek het nog altyd agterop gesit en toe ek 50 word, wou Herbert ’n kombuistoestel vir my gee. Ek het gesê ek sal eerder ’n rybewys verkies. Ek het besef dit help nie veel as ek nie ’n motorfiets het nie.
“Die geluk was aan my kant, want Herbert het toe gesê hy sal vir my ’n Harley koop,” het sy gesê.
Sy het 17 000 kilometer op teerpad afgelê voordat sy die stofpaaie van Afrika in 2022 aangedurf het.
“Ons het vyf maande terug in Kaapstad met ons toer – wat ons in 2019 beplan het – begin.”
Hulle het die land by Katima Mulilo se grenspos binnegekom.
“Daar is plekke wat ons graag sal wil besoek, maar ons motorfietse is te swaar vir die grondpaaie. My fiets weeg sowat 400 kilogram en as ek een klip raakry, is dit verby.
“Ons het gedink Sossusvlei sal net ’n droom bly, maar toe ontmoet ons mense en die man sê toe ‘dit is geen probleem nie, ek vat julle die naweek soontoe’. Dus ry ons môre Sossusvlei toe. Dit is Namibiërs; hulle is ongelooflik vriendelik en niks is te ver of te moeilik nie.”
By die Fish Eagle Rally in Walvisbaai het hulle ’n toekenning vir die dapperste fietsryers gewen.
“Ons het in Windhoek by ’n bikerskroeg gesit en toe sê iemand ons ry môre Walvisbaai toe, kom julle saam. Ons het gegaan en omdat ons van Oostenryk af gery het, het ons gewen.
“Iemand het by die geleentheid ook gesê dat ek die eerste vrou is wat deur Afrika op ’n Harley ry.”
